08. Mars 2010

Björninn náði í dag 2:1 forystu í úrslitaeinvíginu við SA um Íslandsmeistaratitilinn í íshokkíi karla með sigri í þriðja leiknum, 4:2, eftir vítakeppni. Snorri Sigurbergsson markvörður Bjarnarins varði öll fjögur víti SA. Fylgst var með gangi mála hér á mbl.is.

Björninn vann fyrsta leik liðanna 4:1 en SA svaraði um hæl með 7:4 sigri á föstudaginn. Liðin mætast fjórða sinni í Egilshöllinni á morgun.

Daði Örn Heimisson kom Birninum yfir á 6. mínútu en fyrirliði norðanmanna, Jón B. Gíslason, jafnaði metin í 1:1 með marki á 13. mínútu. Þannig var staðan eftir 1. leikhluta.

06. Mars 2010

Vegna úrslitakeppni í íshokkí á morgun sunnudag, breytast nokkrir tímar hjá listhlaupdeild. Sjá nánar á fréttasíðu listhlaupadeildar .

05. Mars 2010

Fyrr í kvöld fór fram leikur 2 í úrslitakeppninni, leikurinn endaði með sigri heimamanna og er staðan því hnífjöfn s.s. bæði lið hafa unnið einn leik. Einnig er markatala liðanna jöfn en bæði lið hafa skorað 8 mörk. Bjarnarmenn höfðu yfirhöndina

05. Mars 2010

Björninn í góðri stöðu í einvíginu við SA Vann fyrsta leik 4:1 á Akureyri

SEGJA má að gestirnir hafi sýnt skynsemi og klókindi í leik sínum en það eru ekki nema tvær vikur frá því að SA burstaði Björninn 6:0. Annars hafa liðin skipst á að sigra í undanförnum leikjum svo ómögulegt er að spá um framhaldið.

Gunnar Guðmundsson, fyrirliði Bjarnarins, var rétt byrjaður að æfa íshokkí þegar Björninn var síðast í úrslitunum 2001. Þá spiluðu sömu lið og Björninn vann tvo fyrstu leikina á Akureyri. SA vann hins vegar þrjá næstu og hálfpartinn stal titlinum. Gunnar var sáttur með leik liðsins og hafði um margt að spjalla í leikslok. ,,Þetta var mjög góður leikur hjá okkur, við spiluðum agað og eftir því sem lagt var upp með. Við héldum okkur inná ísnum og héldum haus þrátt fyrir mikla ágjöf. Þessi sigur er bara fyrsta skrefið og við ættum að þekkja það best að það er ekkert í höfn fyrr en síðasta sekúndan er liðin í síðasta leiknum.«